Gikoronahan si Bea Millan-Windorski sa La Union isip bag-ong Miss Universe Philippines human makalabaw sa kapin 50 ka mga kandidata.
Gipahigayon ang coronation night sa SM Mall of Asia Arena diin gipakita sa mga kandidata ang ilang talento, kaalam, ug kahimtang sa entablado.
Nadani ang mga hurado sa tubag ni Millan-Windorski sa question-and-answer portion, diin iyang gihisgutan ang isyu sa pipila ka Pilipino nga nagkawala og paglaum sa nasud ug ang kahulugan sa pagrepresentar sa Pilipinas sa internasyonal nga entablado.
Matud pa niya, usa kini sa mga rason nganong mibalik siya sa Pilipinas—aron ipakita ang potensyal ug abilidad sa mga Pilipino sa nagkalain-laing larangan.
Lakip sa mga nakasulod sa final round mao sila Apriel Smith sa Cebu City, Marian Arellano sa Tarlac, Bella Ysmael sa Taguig, Nicole Borromeo sa Cebu, Allyson Hetland sa Pampanga, ug Jenrose Javier sa Sultan Kudarat.
Siya ang mopuli kang Ahtisa Manalo isip representante sa nasud sa ika-50 nga Miss Universe nga pagahimuon sa Puerto Rico.
Photo Courtesy: The Manila Times
