Usa ka 69-anyos nga lola nga taga-California ang padayong nagpedal ug wala’y intensyon nga mohunong human niya nakuha ang titulo sa Guinness World Record nga “labing tigulang nga unicycle rider (babaye)”.
Nailhan nga “Unicycle Granny,” si Linda Jarrett nagpasundayag sa sobra sa lima ka dekada. Nagsugod ang iyang kaikag sa mga unicycle sa dihang 10 anyos pa lang siya, hangtod nga gihatagan siya sa iyang amahan og higanteng 6-foot nga unicycle sa dihang 13 anyos pa siya. Sukad niadto, milambo ang iyang karera pinaagi sa pag-apil sa mga circuse, pag-arte isip stunt double sa Hollywood, ug paghimo og makuyaw nga trapeze show.
Nadaog niya ang titulo kaniadtong Disyembre 2025 sa dihang nagsakay siya sa duha ka ligid nga unicycle tabok sa entablado samtang nagsul-ob og clown costume alang sa usa ka produksiyon sa The Nutcracker.
Si Jarrett niingon nga ang pagsakay og unicycle dili komedya tungod kay, kon itandi sa usa ka regular nga bisikleta, nagkinahanglan kini og kanunay nga pagbalanse ug grabe nga kusog sa bitiis ug tiyan.
Bisan pa sa risgo nga mabali ang bukog sa iyang pangedaron, nalingaw siya sa pagpahiyum sa mga tawo ug nagplano nga mohimo og laing rekord sa iyang edad nga 70
Photo Courtesy: Guinness World Record
