Nadakpan sa mga kapulisan ang usa ka Top 3 Most Wanted Person sa Regional Level atol sa gipatumang operasyon didto sa NHA Tumayog, Brgy. Taytayan, Cateel, Davao Oriental pasado alas 11:40 sa buntag niadtong Mayo 2, 2026.
Ang dinakpan naila nga si alyas “Totin,” 33-anyos, minyo, usa ka mag-uuma ug residente sa maong lugar.
Ang operasyon gikasa mga personahe sa Cateel Municipal Police Station, kauban ang CIDG DORFU, 1st DOPMFC ug uban pang law enforcement units. Naaresto ang suspek pinaagi sa pagpatuman sa warrant of arrest alang sa kasong Murder, ilalom sa Criminal Case No. 5313-2025 nga giisyu sa korte ug walay pyansang girekomendar.
Sa pagkakaron ang suspetsado anaa na sa kustodiya sa Cateel Municipal Police Station alang sa hustong disposisyon.
Photo Courtesy: Cateel MPS
