Nasikop sa mga otoridad ang usa ka indibidwal atol sa gipatuman nga operasyon didto sa Brgy. Mahanob Baganga, Davao Oriental pasado alas 12:15 sa hapon niadtong Abril 26, 2026. Ang suspek naila nga alyas “Nonoy”, 26-anyos, usa ka mag-uuma ug residente sa maong dapit.
Naaresto ang dinakpan pinaagi na sa pagpatuman sa warrant of arrest alang sa kasong paglapas sa Republic Act 7610 kon Special Protection of Children Against Child Abuse, Exploitation and Discrimination Act nga giisyu sa Presiding Judge sa Regional Trial Court ug adunay pyansang girekomendar ang korte nga mukabat sa ₱200,000.00 alang sa iyang temporaryong kagawasan.
Sa pagkakaron, anaa na sa kustodiya sa Baganga Municipal Police Station ang suspetsado alang sa tukmang disposisyon.
Photo Courtesy: Baganga MPS
