Nanawagan og hustisya ang chairperson sa University Student Council (USC) sa UP Diliman nga si Joaquin Buenaflor alang kang Alyssa Alano, usa ka iskolar ng bayan nga napatay sa operasyon sa militar sa Barangay Salamanca, Toboso, Negros Occidental niadtong Abril 19.
Si Alano usa ka third-year Political Science student ug konsehal sa USC. Matod ni Buenaflor, sayop ug dili makiangayon ang pag-ingon sa Armed Forces of the Philippines (AFP) nga miyembro siya sa New People’s Army (NPA).
Gipasabot ni Buenaflor nga si Alano aktibong moadto sa mga komunidad sa kabanikanhan alang sa integration, community work, ug research isip kabahin sa iyang pagtuon ug serbisyo sa katawhan.
Sa laing bahin, nagpabilin ang AFP sa ilang posisyon nga lehitimo ang operasyon ug giingong si Alano usa sa mga rebelde nga nakiglaban sa militar.
Gawas kang Alano, 18 pa ka tawo ang namatay sa maong engkwentro, lakip ang community journalist nga si RJ Nichole Ledesma ug duha ka Filipino-Americans.
Photo Courtesy: Smapse Education
