Gihingusgan karon sa Local Government Unit sa Hinatuan ang suporta sa seaweed industry atol sa coordination meeting nga gihimo niadtong nakalabay nga adlaw sa Office of the Municipal Mayor.
Gitumong sa maong panagtigom ang presentasyon sa Project BLuE SDS: Reinvigorating the Seaweed Industry in Surigao del Sur through STI-based Interventions for a Sustainable Blue Economy.
Mitambong sa kalihokan si Mayor Atty. Tito Canedo III, Municipal Agriculturist Maria Elena R. Ravelo, ang team sa DOST–Surigao del Sur nga gipangulohan ni Provincial Director Engr. Ramil A. Sanchez, ug si PUGAW Inc. President Jupiter Casas.
Atol sa maong panagtigom, gipresentar sa DOST-SDS ang mga tumong sa proyekto nga mapalambo ang produksiyon sa seaweed, postharvest practices, ug sustainability pinaagi sa siyensya, teknolohiya, ug inobasyon.
Photo courtesy: LGU Hinatuan
