Gikatakdang ipahigayon ang ikatulong hugna sa medical mission sa National Irrigation Administration (NIA) Region 9 isip kabahin sa padayong paghatag og libreng serbisyo sa mga Irrigators Association sa rehiyon.
Matod ni NIA 9 Regional Manager June Nathaniel S. Plaza, kaugalingong inisyatiba sa NIA 9 ang pagpahigayon sa maong programa nga tumong aron mahatagan ug pagtagad ang mga mag-uuma nga nagkinahanglan nga magpatambal.
Giingon ni RM Plaza, nalakip sa mga serbisyo nga itanyag sa maong kalihukan mao ang medical check up, minor cyst surgery, tuli, dental care, libreng alot, wellness program ug Philhealth Konsulta Caravan.
Nipasalig usab si RM Plaza, nga ang tanang mga IAs o mga mag-uuma nga makabenepisyo sa libreng mga serbisyo hatagan ug tambal kutob sa adlaw nga gi-alokar sa mga doctor nga imnon.
Iya usab nga giingon sa adlaw mismo sa medical mission nga gitakda karong Mayo 8, 2026, prayoridad ang mga mag-uuma apan kon dunay mga walk-ins nga dili miyembro sa IAs ilaha gihapon nga akataron.
Alayon niini, nanawagan ni RM Plaza ngadto sa mga private stakeholders o sa mga LGUs nga may kapasidad nga makigpartner sa ilang programa sa pakigkoordinate kaniya aron mas daghan pang mga mag-uuma ang makapahimulos sa libreng serbisyo sa panlawas.
