Wala na kaikyas pa sa mga otoridad ang usa ka lalaki atol sa gikasang search warrant operation didto sa Purok Bagong Silang, Lower Liberty, Brgy. Central, Mati City, Davao Oriental pasado alas 12:00 sa udto, Abril 22, 2026.
Ang operasyon gihimo sa mga personahe sa Mati City Police Station ug sa CIDG nga nagresulta sa pagkasikop ni alyas “Alyas Bata” ug nakumpiska gikan sa iyang posisyon ang 54 ka gramos nga gibug-aton sa gituohang shabu ug usa ka .45 kalibre nga armas.
Gimarkahan ug giimbentaryo dayun sa lugar sa nahitaboan ang mga nasakmit nga ebidensya uban sa mga testigo ug sa suspek mismo.
Sa pagkakarun balhog na sa prisohan ang dinakpan ug mag atubang sa mga kasong paglapas sa RA 9165 (Comprehensive Dangerous Drugs Act of 2002) ug RA 10591 (Comprehensive Firearms and Ammunition Regulations Act)
Photo courtesy: Mati City Police Station
