Nasunog ang usa ka wood factory sa lungsod sa Talacogon, Agusan del Sur nga hinungdan sa dakong damyos sa kabtangan.
Nasayran nga ang insidente nahitabo sa SINAFAL, Purok Durian, Barangay San Agustin niadtong nakalabay nga adlaw diin daling girespondehan sa M.A.S.E.N.D.O Rescue Team, kapulisan ug Bureau of Fire Protection gikan sa Talacogon ug La Paz aron mapalong ang kalayo ug malikayan ang mas dako pang kadaot.
Sa inisyal nga report, dako ang natalang damyos sa maong wood factory ilabi na sa mga ekipo ug materyales nga dali kaayong gilamoy sa kalayo.
Tungod sa insidente, dako ang alkanse sa negosyo ug posibleng maapektuhan ang panginabuhian sa mga trabahante niini, samtang padayon pang gisuta sa mga otoridad ang hinungdan sa maong sunog.
Photo courtesy: MDRRMO Talacogon
