Gipatuman sa mga operatiba sa Drug Enforcement Group Caraga sa Police Regional Office 13 ang usa ka search warrant batok sa usa ka tattoo artist sa Barangay Marcelina, Bayugan City, Agusan del Sur tungod sa kalapasan batok sa ilegal nga droga.
Nahitabo ang operasyon, Abril 15, 2026, diin giserbisyuhan sa kapulisan ang suspek nga residente sa maong barangay.
Sumala sa kapulisan, kabahin kini sa ilang padayon nga kampanya batok sa ilegal nga droga sa rehiyon aron mapugngan ang paglapas sa balaod ug maprotektahan ang komunidad.
Sa pagkakaron, padayon pa ang imbestigasyon sa mga otoridad alang sa posibleng kaso nga ipasaka batok sa suspetsado.
Photo courtesy: Police Regional Office 13
