Patay ang 33 ka buok baboy samtang gibana-banang moabot sa ₱600,000 ka pesos ang kinatibuk-ang danyos human nabalintong ang usa ka truck ,alas 6:17 sa buntag gahapong adlawa Abril 14,2026 sa National Highway, Sitio San Roque, Barangay Nagpan, Malungon Sarangani Province.
Sa gihimong imbestigasyon sa kapulisan, nasayran nga kargado og dili mominus sa 150 ka baboy ang truck nga gimaneho ni Carlo C. Padohinog Jr., 44 anyos, residente sa Surallah, South Cotabato.
Padulong unta sa Davao ang maong truck gikan sa General Santos City sa dihang kalit lang kining nawad-an og preno.
Tungod niini, nawad-an og kontrol ang driver, tungod sa kabug at ug sa kusog nga dagan, tungod sa ka dulhog sa maong dalan hinungdan,gipili sa maong driver nga ibangga ang sakyanan sa kilid sa dalan imbes nga maabot pa sa ubos nga makaresulta sa mas dakong kadaut.
Samtang luwas ang driver, duna hinuoy mga samad nga naangkon ang helper niini nga si Dindo Cadiz, 40 anyos, taga-Norala, South Cotabato.
Padayon ang pahinumdum sa mga otoridad sa tanang byahedor nga susihon una ang mga sakyanan ug kanunay mag amping sa dalan.
Photo Courtesy:Emay Villafane
