Gipahigayon sa Sangguniang Panlungsod sa Dapitan City’s Committee on Rules and Revision of Ordinances, pinangulohan ni Chairperson Jeneth Baje ang public hearing alang sa proposed ordinances and ammendments niadtong Abril 14, 2026 sa City Government Amphitheater.
Ang panagtapok kabahin sa mga paningkamot sa pagpalambo sa lokal nga pagdumala ug pag-uswag sa kaayohan sa komunidad. Atol sa sesyon, gisusi sa komite ang pipila ka mga importanteng sugyot nga gipresentar sa Green Legal Clinic sa ABC School of Law nga gipangulohan ni Atty. Bryne Angelo Brillantes.
Naglakip kini sa mga plano nga magtukod ug Pawikan Management Committee nga magdumala ug mag-regulate sa gitudlo nga sea turtle interaction zones, mga lakang sa pagkonserbar ug pagpanalipod sa mga Philippine tarsier nga makit-an sa Barangay Hilltop ug uban pang mga lugar nga sakop sa hurisdiksyon sa Dapitan, ug mga update sa kasamtangan nga Drug-Free Workplace Ordinance, nga nagtutok sa pag-usab sa mga probisyon sa silot niini.
Gisalmutan ang hearing sa mga sakop sa komite, mga opisyal sa siyudad, mga pangulo sa mga lokal nga departamento, ug mga representante gikan sa nagkalain-laing mga hingtungdan nga sektor ug mga stakeholder nga tanan nga misalmot.
Kini nga inisyatiba nagpakita sa pasalig sa kagamhanan sa siyudad sa patas ug inklusibo nga paghimog desisyon, nga nagtumong sa pagbalanse sa pagpanalipod sa nameligrong ihalas nga mga mananap uban sa epektibong pagpatuman sa mga polisiya nga nagsiguro sa luwas, drug free nga palibot sa trabahoan.
Photo Courtesy: City Government of Dapitan
