Mokabat sa kapin 800 ka mga estudyante ang mitambong isip mga aplikante sa Special Program for Employment of Students (SPES) Qualifying Examination nga gihimo niadtong Abril 12, 2026 sa Samal Island City College (SICC) BPA Building.
Ang maong kalihokan gipangunahan sa Public Employment Service Office (PESO) isip kabahin sa programa nga nagtumong sa paghatag og temporaryong trabaho sa mga estudyante aron matabangan ang ilang pang-eskwela.
Kini usa ka panagtambayayong tali sa Local Government Unit (LGU) ug sa Department of Labor and Employment (DOLE).
Sumala sa PESO, ang pagpatuman sa qualifying examination kabahin sa proseso sa pagpili aron masiguro nga ang mga aplikante nga mapili angayan ug mosunod sa giya sa programa.
Photo courtesy : PESO Igacos
