Nadakpan sa mga operatiba sa Lianga Municipal Police Station (MPS) ang giila nga “Top 1 Most Wanted Person” sa lebel munisipyo tungod sa kaso nga carnapping sa usa ka operasyon nga gipahigayon sulod sa lungsod niadtong Abril 11, 2026.
Ang maong pagdakop kabahin sa gipakusgan nga kampanya batok sa kriminalidad ug subay sa direktiba sa Philippine National Police (PNP) aron mapadayon ang kalinaw ug kahapsay sa komunidad.
Sumala kang Police Captain Micko Alunan S. Ampatuan, Officer-in-Charge sa Lianga MPS, dako ang papel sa kooperasyon sa komunidad aron malikayan ang krimen ug mapalig-on ang kalinaw sa lugar.
Sa pagkakaron, anaa na sa kustodiya sa kapulisan ang suspek ug mag-atubang sa hustong kaso sa korte.
Padayon usab ang panawagan sa Lianga MPS sa publiko nga makigtambayayong sa kapulisan aron masiguro ang kaluwasan sa tanan.
Photo courtesy: Lianga MPS
