Opisyal nang gideklara sa Municipal Plebiscite Board of Canvassers ang pag-ilis sa ngalan sa munisipyo sa San Isidro, Davao del Norte ngadto sa Sawata.
Kini sunod sa resulta sa plebisito nga gipahigayon niadtong Sabado, Abril 11, 2026, diin mipabor ang kadaghanan sa mga botante sa “YES” nga boto alang sa maong kausaban.
Subay sa maong desisyon, ang Barangay Sawata pagahinganlan na usab nga bag-ong Barangay Poblacion sa lungsod, nga maoy sentro sa administratibong kalihokan sa munisipyo.
Ang maong kausaban gilauman nga magdala og bag-ong identidad ug dugang kalamboan sa bag-ong lungsod sa Sawata.
Photo Courtesy: Sunstar
