Patay nang napalgan ang 11-anyos nga batang lalaki kilid sa Surigao River, sa may Purok 12A, Barangay Luna, Surigao City niadtong nakalabay nga adlaw.
Base inisyal nga imbestigasyon sa mga kapulisan, gikatahong na missing ang biktima nga nailhan si Jefferson Taliman, taga Payawan 1, Barangay Luna sa syudad, niadtong Abril 9, 2026.
Sumala ni Bonifacio Ugayan, oyuan sa biktima nga nakurat na lamang kini nga ilang nasayran nga napalgan na lamang kining wala nay kinabuhi. Pagtuo ni Ugayan nga gi-tripan ang biktima gumikan kay nawala ang cellphone niini.
Gikatahong nagsul-ob ang biktima og pula nga t-shirt ug pula usab nga short pants hinungdan nga na-verify nila ang biktima. Padayon pa ang imbestigasyon sa kapulisan aron masuta kung adunay foul play ang kamatayon sa biktima.
