Gihingusgan sa administrasyon sa Dakbayan sa Sugbo ang mga programa aron mas matabangan ang mga mag-uuma nga naapektuhan sa nagpadayon nga krisis, ilabi na sa pagsaka sa gasto sa produksyon.
Gipadayag ni Cebu City Mayor Nestor Archival nga giila sa dakbayan ang kabug-aton sa sitwasyon sa mga mag-uuma, hinungdan nga gitun-an karon ang posibilidad sa paghatag og cash assistance ug libreng transportasyon aron mas dali nilang madala ang ilang mga produkto ngadto sa merkado.
Lakip usab sa gisusi nga mga solusyon ang pagpalig-on sa direktang pagbaligya pinaagi sa konsepto sa “Tabo sa Barangay,” nga tumong mapaduol ang merkado ngadto sa komunidad ug mapagaan ang gasto sa mga mag-uuma.
Sa laing bahin, nagpadayon ang City Agriculture Department sa ilang profiling ug pakigkonsultasyon sa nagkalain-laing barangay, labi na sa mga lugar nga taas og produksyon, aron masiguro nga tukma ug angay ang suportang mahatag.
Gihingusgan usab nga ang pagsaka sa presyo sa gasolina dako og epekto sa agrikultura, busa gipalihok sa dakbayan ang mga lakang sama sa weekly caravan ug plano sa paggamit og solar-powered irrigation system aron makatabang sa pagminus sa gasto sa umahan.
Photo credits: Cebu City News
