Gipalig-on sa Department of Health (DOH) Region 9 ang kahibalo ug kahanas sa mga Rural Health Units (RHUs) sa Zamboanga Peninsula kabahin sa hustong pagtambal sa mga kaso sa animal bite.
Kini ang giingon ni Dr. Dennis Antonio Dacayanan, OIC Chief Local Health Support Division sa DOH Region sa Kapihan sa Rehiyon Nueve episode nga gihimo bag-ohay pa lamang.
Dugang pa niya, tumong niini aron masiguro nga husto ug paspas ang pag-atiman sa mga biktima sa gipaak sa iro, iring ug uban pang hayop nga madapatan dayon ug bakuna nga di na kinahanglan pang moadto sa syudad.
Gidasig usab ni Dacayanan ang publiko nga dayon magpakonsulta sa labing duol nga health center kon mapaakan, ug likayan ang pagpasagad. Giingon ni Dr. Dacayanan, pinaagi niini, siya malaumon nga mapakunhod ang kaso sa rabies ug mapanalipdan ang panglawas sa komunidad.
