Gipahigayon ang duha ka hugna nga pagpasabot kabahin sa Juander Radyo Loyalista Incorporated sa Dinas Zamboanga del Sur, Abril 10, 2026.
Ang maong mga lugar gilangkuban sa Purok Masinugtanon, Barangay Ignacio Garatta ug sa Purok Balimbing, Barangay Sumputan, pulos sakop sa Dinas, Zamboanga del Sur.
Nangunang tumong sa kalihukan ang pagpasabot sa bag-ong polisiya kabahin sa organisasyon nga gipatuman sugod kaniadtong Abril 1, 2026.
Nitunol ug pagpasalamat ang Juander Radyo News Team ngadto sa mga Coordinators/Dealers nga sila Esther Aganos ug Norma Villa sa pag-imbita sa grupo aron makapasabot bahin sa organisasyon.
Positibo usab ang response sa mga katawhan sa maong lugar diin daghan ang nagpadayag sa pag-apil sa Juander Radyo Loyalista Incorporated.
