Dawaton sa bisan kinsang atleta gikan sa probinsya sa Agusan del Sur ang ganti nga Php1 milyon kon makahimo sila og record-breaking performance ubos sa pagdumala sa Team EddieBong karong umaabot nga Palarong Pambansa 2026.
Gipasalig ni Governor Santiago Cane Jr. kining maong dakong kantidad isip pahalipay ug pag-ila sa talagsaong abilidad sa mga magduduwa sa probinsya. Tipik kini sa hiniusang komitment sa gobernador uban sa duha ka kongresista nga sila si Alfel Bascug sa unang distrito ug Adolph Edward Plaza sa ikaduhang distrito.
Tumong niining maong lakang nga mas madugangan pa ang kadasig ug determinasyon sa mga atleta nga maningkamot sa ilang tagsa-tagsa ka natad sa paugnat sa kusog aron makab-ot ang kadaugan ug dungog alang sa tibuok Agusan del Sur.
Photo Courtesy:Sebisyo PH
