Nasikop sa kapulisan ang usa ka street-level individual atol sa buy-bust operation nga gipahigayon sa Municipal Drug Enforcement Unit sa Bansalan Municipal Police Station sa Purok Maypalad, Barangay Rizal, Bansalan, Davao del Sur, Abril 6, 2026.
Ang suspek giila nga si alyas “Tatang,” 28-anyos, walay trabaho ug residente sa Poblacion Uno sa maong lungsod.
Sumala sa report nga gipangunahan ni Police Major Fidelito U. Viola Jr., narekober gikan sa suspek ang tulo ka sachet sa gituohang shabu nga adunay kinatibuk-ang gibug-aton nga 0.3 gramos ug balor nga ₱2,040.
Narekober usab ang buy-bust money, cellphone, kwarta, ug motorsiklo nga walay plaka.
Sa pagkakaron, anaa na sa kustodiya sa Bansalan Municipal Police Station ang suspek samtang giplastar na ang kaso batok kaniya tungod sa paglapas sa Republic Act 9165 o Comprehensive Dangerous Drugs Act of 2002.
