Angol ang usa ka 49-anyos nga lalaki human gipusil sa wala mailhing suspetsado niadtong nakalabay nga adlaw, didto sa Brgy. Jubang, Tago, Surigao Del Sur. Giila ang biktima nga si Allan Olvida, usa ka residente sa maong barangay.
Base sa impormasyon, giingong kalit lang gipusil ang biktima nga miresulta sa pagka-angkon niini og duha ka samad pinusilan: usa sa iyang wala nga bukton ug usa sa iyang ubos nga bahin sa likod.
Atol sa maong panghitabo, daling gidala ang biktima sa balay tambalanan ug sa pagkakaron, gitaho nga conscious o anaa na sa luwas nga kahimtang ang nahisgutang biktima.
Sa pagkakaron, padayon pa ang gihimong imbestigasyon sa kapulisan aron matino ang motibo sa pagpamusil ug mailhan ang responsable sa maong krimen.
Photo courtesy: Tago Mdrrmo
