Pormal na nga gipirmahan ang Memorandum of Agreement (MOA) sa Bureau of Jail Management and Penology-BJMP Surigao del Norte District Jail tali na sa PhilHealth Alayon sa Yakap Serbisyo Caravan
Gipangunahan ni JSINSP Vincent Jomini Q. Orcullo, Acting District Jail Warden kaabag si Michael Jibson C. Hernandez, Regional Vice President-Philhealth Caraga kauban si Shiela M. Lisondra, Local Health Insurance-Head Surigao City.
Ang Yakap Serbisyo Caravan, nagtinguha sa paghatod og nagkadaiyang serbisyong panglawas ngadto sa mga Persons deprived frrom Liberty-PDL.
Ang maong kalihokan gitambongan sa nagkalain-laing opisyal ug mga ahensya sa gobyerno, diin gipasiugda ang pagpalig-on sa kooperasyon aron mas mapadali ang paghatag og benepisyo sa mga Persons Deprived of Liberty (PDLs).
Dungan sa MOA signing, gipahigayon usab ang libre nga medical services lakip ang check-up, tambal, ug uban pang serbisyo panglawas alang sa mga benepisyaryo.
Ang “Serbisyo Caravan” magpadayon pa sa ubang lugar aron mas daghang katawhan ang maabtan sa libre ug dekalidad nga serbisyo panglawas.
