Gipasidunggan ang tulo ka lungsod sa lalawigan sa Zamboanga del Norte isip “Most Functional VAWC Awardees” alang pag-ila sa ilang kamaayo ug dedikasyon sa paghatag ug serbisyo sa kababayen-an ug kabataan.
Nag-una sa listahan ang lungsod sa Piñan, nakakuha sa unang dapit tungod sa maayo kaayong pagpatuman niini sa mga programa ug serbisyo nga nagtubag sa mga kaso sa Violence Against Women and Children (VAWC). Ikaduha ang lungsod sa Roxas samtang ikatulo ang lungsod sa Rizal.
Sumala sa datos, ang mga mananaog nga LGU nagpakita sa ilang lig-on nga pasalig sa pagpanalipod sa katungod sa kababayen-an ug kabataan, lakip na ang pagtubag dayon sa mga kaso, paghatag og igong suporta, ug pagpalig-on sa mga mekanismo alang sa kaluwasan sa mga biktima.
Matag mananaog gihatagan og ganting salapi ug plaque of recognition isip simbolo sa ilang talagsaong kontribusyon sa komunidad.
Photo Courtesy: Wikipedia
