Sikop sa Police Station 8 Gensan, ang usa ka lalaki human kini misuway og ikyas ug misukol sa kapulisan sa Brgy. Katangawan, General Santos niadtong nakalabay nga adlaw.
Subay sa report, niresponde ang PS8 ubos sa pagpanguna ni Police Staff Sergeant Mordeno ug Pat Bardon human makadawat og sumbong bahin sa ilegal nga drag racing diin delikado sa mga residente ug lumalabay sa maong lugar.
Sa pag-abot sa kapulisan, nagkatibulaag ang riders pagdagan. Human ginukoray, nasikop ang suspetsado apan misukol kini hinungdan nga daling gi-aresto sa mga otoridad.
Nasayran nga walay lisensya ang suspek hinungdan nga gi-impound ang iyahang motor nga Suzuki Raider 150 (Plate No. 113MSH) diin wala usab OR-CR nga dokumento.
Una siyang gidala sa Dr. Jorge P. Royeca Hospital alang sa medikal nga eksaminasyon sa wala pa gibalhog sa prisuhan diin mag-atubang sa kaso sa paglapas sa Article 151 sa Revised Penal Code.
