Kung ang uban maghilak tungod sa problema sa presyo sa lana ug uyab – naa sab diay paghilak para sa world record.
Sa Nigeria, usa ka komedyante ug content creator nga si Tembu Daniel, misulay og kuyaw kaayo nga challenge—ang 100 ka oras nga walay hunong nga paghilak.
Apan wala pa gani kaabot og usa ka adlaw, napugos siya og undang human lang sa pipila ka oras… tungod kay naglabad ang ulo, nanghubag ang mata, ug mas shocking—temporaryo matod pa kini nga nabuta sulod sa 45 minutos.
Matod pa niya, kinahanglan niya mag “re-strategize” sa iyang paghilak—sama sa dili na lang basta hilak, kundi may plano na gayud.
Apan ang naka sayop kay bisan giingon niya nga pang-Guinness World Record ang iyang tumong, wala diay siya naka-coordinate sa Guinness of World Records.
Ug ang tubag sa Guinness? Dili gayod sila mosuporta og record sa “longest crying marathon.” kay walay koordinasyon nga nahitabo.
Bisan wala niya makumpleto ang 100 ka oras, nakaangkon gihapon siya og milyon-milyon nga views ug nahimong viral sa social media.
Ang mga netizens, wala pud magpaulahi sa makalingaw nga comment nga nag-ingon, “After ani, dili na gyud siya ganahan mohilak pag-usab!”
Ug usa pa, “Sa kadugay nimo paghilak, basin makahimo naka og kaugalingon nimong suba!”
Busa mga kajuander, kung maghilak man gani ta-nsiguroha nga naa’y rason dili kay pang world record.
Photo courtesy: Oddity Central
