Wala na kaikyas pa sa mga personahe sa Mati City Police Station ug Makilala MPS ang usa ka Top 1 Municipal Level Most Wanted Person human nadakpan atol sa gipatumang operasyon niadtong Marso 22, 2026.
Ang dinakpan naila nga si alyas “Arnolfo”, 61-anyos, minyo ug residente sa Purok United Nation, Brgy. Central, Mati City, Davao Oriental.
Nadakpan ang suspek pinaagi sa pagpatuman sa warrant of arrest alang sa kasong paglapas sa R.A. 6539 o ang Anti-Carnapping Act of 1972 nga giisyu sa korte ug adunay pyansang girekomendar nga mukabat sa Php 180,000.00 alang sa iyang temporaryong kagawasan.
Sa karon ang akusado gikustodiya na sa Mati City Police Station alang sa tukmang disposisyon. Samtang padayon ang kampanya sa kapulisan batok sa kriminalidad pinaagi sa pagdakop sa mga wanted person aron mapadayon ang paghatag ug kalinaw sa dakbayan.
Photo Courtesy: Mati CPS
