Wala na nakabot pa sa ospital ang usa ka rider human kini malabigit sa road aksidnte sa Barangay Road, Purok Palomar Riverside, Brgy. Yangco, Banga, South Cotabato alas 2 sa kaadlawon sa lunes Marso 23, 2026.
Sumala sa impormasyon, nagmaneho ang biktima gamit ang iyang Yamaha NMAX nga motor ug giingong nawala ang kontrol niya sa manibela, hinungdan nga nadisgrasya kini ug naka-angkon sa daghang samad sa lawas.
Dali siyang gidala sa Soccsksargen General Hospital (SGH) sa Surallah, apan gi-deklara nga dead on arrival sa attending physician.
Kasamtangan pa giimbestigahan sa Banga PNP ang hinungdan sa aksidente aron masuta kung unsa gayud ang nakapahinabo niini.
Nanawagan karon ang mga kapulisan nga mag-amping sa pagmaneho ilabi na kung ngit2 ug dili kabisado ang kalsada.
Photo Courtesy: Banga MDRRMO
