Gipahigayon ang river clean-up Drive, atol sa pagsaulog sa World Water Day niadtong Marso 21, 2026, aktibong miapil ang mga kapulisan sa Digos City Police Station sa usa ka river clean-up drive alas 6:00 sa buntag, isip kabahin sa ilang kampanya alang sa pagpanalipod sa kalikupan.
Pinangulohan kini ni PLTCOL Norman L. Yparraguirre, Acting Chief of Police, uban sa iyang mga personnel nga nagtinabangay sa paglimpyo sa suba aron mapreserbar ang kahinlo ug kahimsog sa palibot. Tumong sa maong kalihokan ang pagpalig-on sa kahibalo sa komunidad kabahin sa kahinungdanon sa pag-atiman sa atong mga tinubdan sa tubig.
Gipakita sa kapulisan nga dili lamang sila nakatutok sa pagmintinar sa kalinaw ug kahapsay, kundili usab sa pag-amuma sa kinaiyahan. Pinaagi sa panaghiusa ug bayanihan, nagtinguha sila nga maibalik ang kahinlo sa mga suba ug masiguro ang mas himsog ug luwas nga komunidad alang sa tanan.
Giawhag usab ang publiko nga mahimong responsableng tigbantay sa kinaiyahan. Panalipdan nato ang atong mga suba, tungod kay ang matag patak sa tubig adunay dakong papel sa kinabuhi.
