Nadakpan sa gipahigayon drug buy-bust operation sa kapulisan ang usa ka lalaki kinsa nagpayuhot sa iligal nga drogang shabu niadtong nakalabay nga adlaw,sa Purok Daisy, Brgy. Sicayab, Dipolog City.
Giila ang dinakpan si alyas Bray, 31-anyos, ulitawo, WiFi Installer ug residente sa Purok Bougainvilla sa susamang barangay.
Nasakmit gikan sa dinakpan ang usa ka gamay nga pakete nga dunay sulod gituohang shabu nga nagsilbing buy-bust item og ang 500 peso bill nga gigamit isip buy-bust money.
Dugang nasakmit gikan sa iyang posisyon ang 4 ka mga pakete sa shabu ug ang plastic driver’s license holder nga gigamit nga container sa druga. Mokabat sa 2.5 grams ang narecover nga druga gikan sa suspect nga nagkantidad ug Php17,000.00.
Gi-turnover ngadto sa Zamboanga del Norte Provincial Forensic Unit ang mga ebidensya alang sa chemical examination samtang ang dinakpan gikustudiya ngadto sa Dipolog City Police Station alang sa tukmang disposisyon.
Photo Courtesy: Dreamstime.com
