Giisip nga laing dakong lakang alang sa kalamboan sa panglawas ang nakab-ot human hingpit nga nakapasar sa ikatulo ug katapusang pagbasa sa House of Representatives ang House Bill 8471.
Ang maong balaodnon nagtumong sa pagmugna sa Zamboanga Sibugay Medical Center, usa ka Level III General Hospital nga pagadumalaon sa Department of Health (DOH). Nakakuha ang maong sugyot-balaod og lig-on nga suporta nga adunay 258 ka paborableng boto, walay mibatok, ug walay nag-abstain.
Gipaspasan ang pagduso niini nga lakang aron masiguro nga ang mga residente sa Distrito Dos makatagamtam na og mas sayon nga access sa de-kalidad nga serbisyo sa healthcare ug mas modernong pasilidad sa ospital.
Human sa kalampusan sa Kamara, andam na kini nga iduso ngadto sa Senado alang sa ilang pag-aproba. Giawhag ang tanang katawhan sa pag-uban sa pag-ampo ug pagsuporta aron hingpit na kining mahimong balaod nga maghatag og mas happy ug healthy nga kaugmaon alang sa tibuok probinsya ug distrito.
Photo Courtesy: Philippine Information Agency
