Gipahibalo sa Land Transportation Franchising and Regulatory Board (LTFRB) nga ipatuman na ang provisional fare increase alang sa tanang public utility vehicles (PUVs), epektibo sugod Huwebes, Marso 19, 2026.
Kini nga pagtaas sa pasahe gidesisyonan isip tubag sa padayon nga pagsaka sa presyo sa krudo ug uban pang gastusin sa transportasyon, nga nakaapekto sa kita sa mga drayber ug operator. Sumala sa LTFRB, ang maong lakang gituyo aron matabangan ang sektor sa transportasyon nga makapadayon sa ilang operasyon samtang ginatimbang gihapon ang kahimtang sa mga pasahero.
Gidasig ang publiko nga magpabiling alerto sa updated fare matrix aron malikayan ang kalibog ug masiguro ang hustong plete nga bayran. Para sa dugang nga detalye, mahimo bisitahon ang opisyal nga Facebook page sa LTFRB o gamiton ang QR code nga gipagawas sa ahensya.
Ang LTFRB nagpasalig nga padayon nilang bantayan ang implementasyon sa bag-ong pasahe aron maprotektahan ang interes sa publiko ug masiguro ang patas nga sistema sa transportasyon sa nasud.
