Personal nga nitambong sa inagauration si Presidente Ferdinand R. Marcos Jr. alang sa Mactan Expo nga gipahigayon sulod sa The Mactan Newtown, dakbayan sa Lapu-Lapu gahapon Marso 16, 2026.
Giila kini nga labing unang stand-alone convention center sa Megaworld Corporation nga maoy magsilbing dapit alang sa dagkong mga kalihokan, lakip na ang Association of Southeast Asian Nations (ASEAN) Summit diin ang Pilipinas ang naglingkod isip chair karong tuiga.
Gidisenyo ang Mactan Expo aron mapasigarbo ang kultura ug pagka-Sugboanon, dungan sa tinguha nga malig-on pa ang imprastraktura sa nasud alang sa mga panagtigom, komperensya, ug dagkong mga pasundayag o ang gitawag nga MICE infrastructure.
Gidayeg sa Presidente ang kaandam sa syudad og padayon nga suporta sa turismo, nakita niini nga taas ang turismo sa cebu ingun man sa dakbayan sa lapu-lapu.
Gitataw sa Presidente nga labing importante ang palig-unon pa ang turismo sa syudad, gusto niini nga aron malungtaron ang turismo sa syudad gikinahanglan mag tukod og daghang istruktura nga angayan talan-awon sa mga turista.
