Nisulod na si Elias J TV (Elias Gabonada Lintucan Jr.) nga taga Magpet, North Cotabato, sa pag-arte pinaagi sa teleserye nga Encantadia Chronicles: Sang’gre sa GMA Network. Kini ang iyang unang acting project, ug giingon niya nga dako kini nga dungog alang kaniya, kay wala niya damha nga maapil sa sikat nga fantasy series.
Sa serye, mopapel siya isip karakter nga Elias, ug nag-ensayo siya sa pag-arte ug sa pagsulti og Tagalog aron mas maipakita ang emosyon sa mga eksena. Bisan bag-ohan pa siya, giingon sa ubang cast nga dali ra siyang nakakat-on sa iyang mga linya.
Sa wala pa ang acting, nailhan si Elias isip reggae artist ug social media personality, nga adunay mga kantang sama sa Lipad, Puhon, ug Isayaw Mo Naman Ako. Daghan karon ang nagtuo nga mas modako pa ang iyang karera dili lang sa musika kundi apil na usab ang natad sa pag-arte.
Photo Courtesy: Proud Bisaya Bai
