Naugdaw ang usa ka panimalay ug motorcycle shop human kini gilamoy sa nagdilaab nga kalayo niadtong nakalabay nga adlaw, nga natigayon sa Purok 1, Barangay Biswangan, Lakewood, Zamboanga del Sur.
Sa inisyal nga imbestigasyon, igo nalang namatahan sa 62-anyos nga tag-iya sa panimalay ang bagang aso, hinungdan dali niyang gipa-alerto ang anaa sa tapad nga mga silingan aron luwas nga makabakwit.
Dali nga mitabok ang kalayo sa tapad nga motorcycle shop hinungdan sa pagkasunog sa pipila ka motorsiklo nga anaa sa maong lugar.
Wala ray gikataho nga nasamdan o nakabsan sa kinabuhi sa maong hitabo apan kini nagbilin ug kinatibuk-ang damyos nga mokabat sa Php600,000.00
Padayon pa nga naglusad og imbestigasyon ang mga kabomberohan aron masuta ang hinungdan sa pagkasunog.
Nasuta sa kabomberohan nga ang na damage nga mga electrical wirings nga gikitkit sa ilaga mao ang nag-unang tinubdan sa kalayo.
