Gipatuman sa mga personahe sa Cateel Municipal Police Station sa pagpanguna ni PMAJ Michael P. Celecio, Chief of Police, ang Republic Act 4136 o ang Land Transportation and Traffic Code of the Philippines niadtong nakalabay nga adlaw didto sa National Highway sa Sitio Mahoc, Barangay San Antonio, Cateel, Davao Oriental.
Atol sa maong operasyon tulo ka traffic violators ang nadakpan sa kapulisan ug giisyuhan og citation ticket tungod sa ilang kalapasan sa mga regulasyon sa balaod trapiko.
Kini nga lakang kabahin sa padayon nga paningkamot sa kapulisan aron masiguro ang kaluwasan sa kadalanan, disiplina sa mga motorista ug pagsunod sa mga balaod sa trapiko sa nasud.
Gi-awhag ang publiko nga sundon ang gipatuman nga balaod sa kalsada aron nga malikayan ang mga aksidente.
Photo Courtesy: PCR Cateel
