Nadala sa duha ka mga kawatan ang alahas ug kwarta human nila gitulis ang usa ka tindahan nga nahimutang sa Purok Luy-a, Barangay Danlugan, Pagadian City, adlaw’ng Biyernes, Marso 12, 2026.
Sa inisyal nga imbestigasyon sa kapulisan, nahitabo ang insidente sa dihang abli pa ang tindahan diin sa kalit lang nibutho ang duha ka mga suspetsado sulod sa tindahan.
Sa makitang hulagway sa CCTV, usa sa mga suspetsado nga nagsilbing lookout nakasuot ug blue jacket, nakamask ug helmet samtang ang isa ka supetsado nakasuot ug puti nga jacket, nagkalo ug nakamask mao ang misulod sa tindahan ug nideklarang tulis.
Nakuha niini ang cash sales nga nagkantidad ug ₱5,000, Realme cellphone nga nagkantidad ug ₱5,000, ug kwentas nga gold nga nagkantidad ug ₱80,000.
Wala ray nasamdan sa maong hitabo diin human sa pagpanulis daling misibat ang mga suspetsado sakay sa usa ka single motor paingon sa Barangay Alegria, Pagadian City.
Padayon pang naglunsad ug hot pursuit operation ang mga personahe sa Pagadian City Police Station alang sa posibleng pag-ila ug pagdakop sa mga suspetsado nga karon gawasnon pa.
Photo Courtesy: Shutterstock
