Supak ang hepe sa Regional Law Enforcement Service sa Land Transportation Office (LTO) Region 9 sa sugyot sa usa ka magbabalaod nga adunay “no apprehension” o dili una mangdakop sa mga motorista taliwala sa natagamtamang krisis sa kamahal sa petrolyo.
Sa interview sa Juander Radyo Pagadian kang Reynaldo Bilang, ang Chief sa Regional Law Enforcement Service sa LTO-9, giingon niini nga importante gihapon nga mapadayon ang pagpatuman sa balaod-trapiko aron masiguro ang kaluwasan sa mga motorista ug publiko diha sa kalsada.
Dugang pa ni Chief Bilang nga ang mga ginadakop sa traffic enforcement mao lamang kadtong adunay mga paglapas sa balaod-trapiko, ug kung mosunod ang mga motorista sa mga regulasyon sa dalan, wala sila’y angay kabalak-an.
Dugang pa sa opisyal sa LTO ang pagsunod sa balaod-trapiko responsibilidad sa matag motorista ug magpadayon ang pagpangdakop sa mga mosupak niini usa ka paagi aron mapadayon ang disiplina ug kaluwasan sa mga kadalanan.
