Gisugdan gahapong adlawa, Marso 13, ang partial operation sa Cebu Bus Rapid Transit (CBRT) , diin pipila ka CeBus units ang nagbiyahe sa ruta gikan sa IL Corso paingon sa IT Park pinaagi sa dedicated bus lanes sa Osmeña Boulevard dakbayan sa Sugbo.
Gibisita sa Juander Radyo Cebu Newsteam ang sitwasyon sa Osmeña Blvd. ug atong nabatyagan nga adunay dugang nga personahe sa Cebu City Transportation office kun CCTO ang naka destino sa lugar.
Samtang eksklusibong nahinabi si CCTO Head Racquel Arce kabahin sa unang adlaw ug hugna sa pag-abli sa CBRT.
Nanawagan si Arce sa mga motorista sa dugang pasensya ug pagsabot ilabina nga anaa pa kini sa adjustment period ug dili gayud malikayan nga makasinati ug paghoot sa trapiko.
