Ugdaw ang usa ka panimalay sa 79-anyos nga senior citizen sa Purok 2, Barangay Mamali, Mati City, Davao Oriental niadtong nakalabay nga adlaw. Ang tag-iya sa maong panimalay nailang si Virginia Cuaton nga residente sa nahisgutang lugar.
Sumala sa inisyal nga impormasyon, nahitabo ang sunog mga ala 1:40 sa hapon, dali usab nga mitabang ang mga residente aron mapalong ang kalayo ug malikayan nga mokatap pa kini sa ubang kabalayan sa komunidad.
Gidasig usab ang mga residente sa lugar nga magmatngon ug siguruhong luwas ang ilang mga balay aron malikayan ang susamang insidente sa umaabot.
Sa pagkakaron, padayon pang gisusi sa mga otoridad ang posibleng hinungdan sa sunog samtang wala pa usab matino ang ensaktong kantidad sa damyos sa nasunog nga balay.
