Gibawian og medalya, ang usa ka Australian ultramarathon runner human nadiskobrehan sa mga organizer sa marathon nga nagsakay siya og sakyanan atol sa 50-milya nga lumba nga iyang giapilan.
Nakakuha sa ikatulong pwesto ang 47-anyos nga si Joasia Zakrzewski sa 2023 GB Ultras 50-milya nga lumba nga gipahigayon sa England. Nag-pose ug nagpahiyom si Zakrzewski samtang gidawat niya ang medalya ug tropeyo, nakadaog siya sa ika-3 nga pwesto pinaagi sa pagpanglimbong.
Human sa kompetisyon, nakamatikod ang mga organizer sa lumba og kadudahan sa datos sa GPX ni Zakrzewski samtang nakaabot siya sa gikusgon nga hangtod sa 35mph atol sa mubo nga bahin sa lumba. Nagduhaduha ang mga organizer tungod kay ang pinakapaspas nga tawo sa kalibutan, si Usain Bolt, lamang ang makahimo sa pagdagan sa ingon nga gikusgon.
Atol sa interogasyon sa mga organizer sa mga kawani sa lumba ug mga tumatan-aw sa lumba, nahibal-an nga si Zakrzewski misakay sa usa ka sakyanan ug gigamit kini aron makaona og 2.5 milya sa lumba. Gikuhaan si Zakrzewski sa iyang bronze medal ug tropeyo. Sa usa ka interbyu sa media kang Zakrzewski, iyang giangkon nga sa tunga-tunga sa lumba, sakit ang iyang bitiis ug gipasakay siya sa iyang higala sa iyang sakyanan padulong sa checkpoint sa lumba.
Pag-abot niya sa checkpoint aron ipahibalo nga dili na niya ipadayon ang lumba, gikombinsir siya sa mga kawani nga ipadayon ang marathon tungod kay pag-usik lang kini sa iyang oras sa pagbiyahe paingon sa England gikan sa Australia. Dugang pa, giangkon sa lalaki nga nasayop siya sa pagdawat sa medalya ug tropeyo ug nangayo og pasaylo sa publiko.
Gihimakak sa mga kawani sa marathon nga ilang gikombinsir ug gitugotan si Zakrzewski nga ipadayon ang pagdagan sa lumba.
Sa pagkakaron, adunay pipila ka mga petisyon aron ipahamtang ang tibuok kinabuhi nga pagdili kang Zakrzewski sa mga marathon.
Photo Courtesy: inside columbia
