Gipasalig sa buhatan sa Department of Migrant Workers o DMW sa Region 10 nga abli ang ilang opisina aron motabang sa mga pamilya sa mga Pilipinong naapektuhan sa nagpadayong krisis sa Middle East.
Matod ni Regional Director Emmanuel Toledo, andam ang ilang buhatan sa pagdawat sa mga pangutana ug hangyo sa mga pamilya sa mga Overseas Filipino Workers o OFWs nga anaa sa rehiyon.
Gidugang ni Toledo nga base sa ilang pinakabag-ong monitoring, ang tanang mga OFWs nga gikan sa region-10 nga anaa sa Middle East nagpabilin sa luwas o safety nga kahimtang.
Bisan pa niini, padayon ang koordinasyon sa DMW uban sa mga embahada ug ubang ahensya sa gobyerno aron masiguro ang kaluwasan ug kahimtangan sa mga Pilipino sa gawas sa nasud.
Giawhag usab sa DMW ang mga pamilya sa OFWs nga moduol sa ilang buhatan kung adunay kabalaka o kinahanglan nga impormasyon may kalabotan sa ilang mga mahal sa kinabuhi sa Middle East.
Photo courtesy: DMW Region 10/ Facebook
