Patay ang usa ka tourista human malumos sa swimming pool, sa Barangay Pacifico, San Isidro, Surigao del Norte, niadtong nakalabay nga adalaw.
Naila ang biktima nga si Ulrich Cillard, 31-anyos na lalaki, nga taga France, ug guest sa Trogons Perch Resort. Subay sa report nga nakit-an nalang ang biktima sa mga responders nga wala nay kinabuhi nga naglutaw sa swimming pool sa resort.
Sa wala pa makaabot ang rescue team, daan nang gitabagan sa mga concern citizens ang biktima, ug pag-abot sa mga miresponding rescuers, ila kining gihatagan og CPR, adesir gidala sa Siargao Island Medical Center sa lungsod sa Dapa, apan gideklarar kining dead on arrival sa attending physician.
Sa karon padayon pa ang imbestigasyon sa mga otoridad para masayran ang hinungdan sa maong trahedya.
Photo Courtesy: BFP San Isidro, Surigao del Norte
