Nagpasidaan ang Land Transportation Office (LTO) Region 9 nga apil na sa ilang pagpanakop ang kolorum nga bao-bao, niini katambayayong nila ang Road and Traffic Management Office (RTMO) Pagadian sa pagpahigayon og operasyon batok sa mga kolorum nga dinhi namasahero sa siyudad, og sa mga nitabok gikan sa kasikbit nga lungsod.
Kini ang gibutayg ni Reynaldo Bilang, Chief sa Regional Law Enforcement Service sa LTO-9 sa pakighinabi sa Juander Radyo News Team kagahapon.
Dugang pa ni Bilang, tumong sa operasyon ang pagpanalipod sa kaluwasan sa mga pasahero ug pagsiguro nga masunod ang mga ordinansa sa siyudad nga kadtong adunay prangkisa lamang maoy legal nga mamasahero.
Gipahimangnoan usab ni Bilang ang tanang drayber sa bao-bao nga namasahero nga sigurohon nga kompleto ang papeles sa ilang gidraybang bao-bao aron malikayan ang multa ug pag-impound sa ilang unit.
Kini nga lakang adunay koordinasyon sa LTO 9 ug City Traffic Management aron mas mapalig-on ang kampanya batok sa mga kolorum nga nag-operate dinhi sa siyudad.
