Nasikop sa lain-laing buy-bust operations ang duha ka street-level drug suspects sa lungsod sa Sison, Surigao del Norte.
Ang mga suspek mao sila alias “Keven,” 33-anyos, single, usa ka construction worker gikan sa Barangay San Roque, Surigao City, ug alias “Budha,” 37-anyos, single, usab construction worker gikan sa Barangay Taft, Surigao City, nga sakop sa Surigao del Norte.
Gipahigayon sa Sison Municipal Police Station ang operasyon sa Barangay Lower Patag ug sa National Highway sa Barangay Tinogpahan, Sison, SDN.
Sa operasyon, nakumpiska sa kapulisan ang Unom ka heat-sealed transparent plastic sachets nga adunay sulod nga shabu nga gibana-bana og 3.3 grams ug kantidad nga Php22,440.00;
Duha ka Php500 nga bills nga gigamit isip marked money, Usa ka empty Chesterfield cigarette pack; Usa ka transparent plastic box, ug Usa ka improvised red paper envelope nga giputos sa black electrical tape.
Gidala ang mga nadakpan sa police station alang sa pormal booking ug padayon nga imbestigasyon. Gilauman nga pasakaan sila og kaso ubos sa balaod batok sa ilegal nga droga.
