Gipa-unlod sa US submarine ang usa ka warship sa Iran duol sa baybayon sa Galle, hinungdan sa kamatayon sa labing menos 87 ka sundalo ug daghan pa ang namissing. Sumala ni US Defense Secretary Pete Hegseth, torpedo ang gigamit sa pag-atake ug kini ang unang higayon sukad sa World War II nga naay barko nga gipaunlod sa US gamit torpedo.
Ang Sri Lankan navy naka-recover sa mga lawas sa 87 ka sundalo samtang 61 pa ang gipangita. Nakarecover usab ang 32 ka sundalo nga nasamdan ug giatiman sa ospital sa Galle. Ang barko nalunod human sa distress call sa buntag, ug ang rescue ship nakaabot sulod sa usa ka oras lang.
Sumala sa datos sa gobyerno, gibana-bana nga naa sa 2.5 milyon ka Pilipino ang nagtrabaho ug nagpuyo sa Middle East. Kapin 1,400 niini nagpangayo na og tabang nga mopauli sa Pilipinas tungod sa serye sa air strikes.
Kalabot niini, ang Department of Migrant Workers miingon nga andam ang gobyerno sa pagtabang sa mga apektadong OFWs kung mograbe pa ang sitwasyon.
Photo Courtesy: AP News
