Wala nagduha-duha sa paghimog krimen ang usa ka healthcare assistant human gituohang gikawat niini ang usa bank card kon ATM sa usa ka 83-anyos nga pasyente sulod lamang sa 17 minutos human kini gideklarang patay sa ospital.
Giila ang maong healthcare officer nga si Ayesha Basharat, nga nagtrabaho sa CHeartlands Hospital sa Birmingham, England, nakarekord ang oras sa kamatayon sa pasyente ala 1:56 sa hapon.
Mga alas 2:13 sa hapon, gigamit ni Basharat ang bank card sa pasyente sa vending machine sulod sa ospital. Nakapalit siya og unom ka £1 nga kantidad sa mga snacks ug ilimnon. Nianang gabhiona, mipalit pa gyud siya og usa ka £1 nga item gamit ang maong card.
Upat ka adlaw ang milabay, nibalik siya sa trabaho ug misulay pag-usab og gamit sa card sa duha ka higayon. Apan, niadtong panahona, nakanselar na kini sa pamilya sa namatay. Gitawagan dayon ang kapulisan ug gidakop si Basharat sa iyang gitrabahuan samtang anaa pa sa iyang mga kamot ang bank card.
Bisan gamay ra ang kantidad sa maong kwarta nga nalambigit sa insidente, dako ang reaksyon sa publiko ug sa mga otoridad tungod sa seryosong paglapas sa pagsalig.
Sa pag-atubang sa kaso sa Birmingham Crown Court, miangkon si Basharat sa mga kasong theft ug fraud by false representation. Gisintensyahan siya og duha ka lima ka bulan nga pagka-priso.
Gihulagway sa kapulisan ug mga representante sa ospital ang nahitabo isip usa ka “makalilisang nga paglapas sa pagsalig.” Alang sa pamilya sa namatay, ang pagkahibalo nga gigamit ang bank card sa ilang minahal sulod lamang sa pipila ka minuto human sa iyang kamatayon nakadugang pa sa ilang kasakit.
Matod pa sa mga otoridad, dako ang pagsalig nga gihatag sa publiko ngadto sa mga healthcare worker, ug sa maong insidente nakahatag kini og gap sa mga pasyente ug pamilya ngadto sa mga trabahante sa ospital.
Photo Courtesy :The Balance
