Dul-an 1,500 ka mga teachers ug mga school heads ang nanumpa sa ilang bag-ong posisyon atol sa Regional Oath-Taking Ceremony nga gipahigayon sa DepEd SOCCSKSARGEN niadtong Pebrero 23, 2026 sa South Cotabato Gymnasium sa Koronadal City. Ang maong kalihokan gihimo isip pagpasidungog sa mga magtutudlo nga napromote ubos sa Expanded Career Progression o ECP System.
Sumala sa datos, mokabat sa 1,430 ka mga magtutudlo ug school heads gikan sa walo ka Schools Division Offices sa rehiyon ang miapil sa maong seremonya. Gitambongan usab kini sa mga regional officials ug mga ahensya nga nagdumala sa pagmonitor sa maong programa.
Gihingusgan sa DepEd nga ang Expanded Career Progression System naghatag og mas klarong dalan sa promosyon ug career growth sa mga magtutudlo ug school heads. Pinaagi niini, mas maila ang ilang paningkamot, kahibalo, ug serbisyo sa sektor sa edukasyon.
Ang maong panumpa nagtimaan sa bag-ong hugna sa ilang karera isip mga lider sa edukasyon sa rehiyon. Padayon nga ginapalig-on sa DepEd SOCCSKSARGEN ang mga programa nga nagtumong sa pagpalig-on sa kalidad sa pagtudlo ug pagdumala sa mga eskwelahan.
Photo Courtesy: DEPED REGION 12
