Nagpahigayon ang Department of Human Settlements and Urban Development (DHSUD) og regional summits ug town hall meetings uban sa mga home-owners-associations (HOAs) sa tibuok nasud isip kabahin sa ilang paningkamot alang sa mas aktibo nga pagdumala ug pagpalig-on sa komunidad.
Ang mga kalihokan, nga gihimo subay sa ikapito nga anibersaryo sa ahensya, nagtigom sa mga lider sa HOA sa Calabarzon alang sa HOA Summit ug Stakeholders’ Forum 2026, samtang dungan usab nga gipahigayon ang mga town hall meetings sa Rehiyon 7 (Central Visayas), Rehiyon 9 (Zamboanga Peninsula), ug Rehiyon 11 (Davao).
Aduna pay susamang mga kalihokan nga nakatakdang ipahigayon sa Central Luzon ug Metro Manila.
Matud sa DHSUD nga ang maong inisyatiba nagsuporta sa direktiba ni Presidente Ferdinand R. Marcos Jr. nga ipaduol ang serbisyo sa gobyerno ngadto sa katawhan ug nag-uyon sa panawagan ni Secretary Jose Ramon Aliling alang sa mas lig-on nga pakig-uban sa mga stakeholders sa pabahay.
Photo courtesy to journal.com.ph
