Padayon nga naghupot sa titulo alang sa pinakadako nga department store sa kalibutan, ang Shinsegae Centum City sa Busan South Korea usa ka dungog nga nakuha gikan sa Macy’s niadtong 2009.
Sumala sa taho, nga imposible pang malabwan karon ang 16 ka andana nga maong istraktura tungod sa bilyon-bilyong dolyar nga pondo ang gikinahanglan aron pagtukod og mas dako nga establisemento.
Dili lang kini usa ka simpleng palitanan sa mga produkto, Gawas sa hapit 700 ka mga tindahan, ang higanteng shopping complex adunay daghang mga pasilidad nga dili kasagaran makita sa usa ka lugar.
Naglakip kini sa mga art gallery, usa ka halapad nga ice rink, ug usa ka golf course nga adunay 60-tee driving range. Adunay mga sinehan, usa ka tradisyonal nga Korean jimjilbang (o bathhouse), usa ka office tower, ug usa ka pampublikong parke nga adunay mga tema sa dinosaur ug pirata.
Sumala sa management, ang lugar lapad kaayo nga mokabat ug pipila ka adlaw aron hingpit nimo nga masuroy ug makita ang tanan.Tungod sa gidak-on ug gidaghanon sa mga atraksyon niini, ang Shinsegae Centum City nakatakda og talagsaon nga rekord sa industriya sa komersyo.
Kini ra ang mall sa South Korea nga nakatala og 2 trilyon nga won (kapin sa Php77 bilyon) nga mga transaksyon sulod sa duha ka sunod-sunod nga tuig.
Photo Courtesy: This is korea Tours
